陳煒譚俊彥出口術劇透引觀眾

因新冠肺炎關係,人人留在家中自救,無綫熱播劇《法證先鋒IV》收視節節上升,主角譚俊彥更信心爆棚表示,大結局收視有望衝破40點關口,並漏口風劇透是Happy Ending。而陳煒亦大爆之後有床上戲,吸引劇迷晚晚追!

《法證IV》收視繼續飆升,首集7日跨平台總收視高達37.1點!譚俊彥昨日到電台宣傳時,揚言是台前幕後的功勞,對大結局收視衝破40點信心十足:「係一個開心結局,但點開心法我都唔知,因為小青姐(監製梅小青)好犀利,原來啲劇本最後部分有保密,我哋拍出嚟嘅嘢係同剪出嚟唔同,佢好識得一環扣一環咁令觀眾追劇。」至於是否有計劃拍續集,他指演員被動,要看公司安排,又笑說:「依家興再開就換人,暫時未諗,都係專注喺防疫同宣傳上。」

仔女「未夠秤」捧場

譚俊彥又爆父親狄龍是忠實擁躉,但作風是有彈冇讚,相反媽媽則有讚:「佢係標準會煲劇嘅師奶,我晚晚都打畀佢問做成點,關係好咗好多。」不過,由於有血腥及屍體畫面,他指一對年幼子女未有收看:「之前做包青天黑口黑面嚇親個女,我都係8、9歲先睇爸爸嘅劇。(停課喺屋企好悶?)大家都悶!太太好有心,每朝10點就好似幼稚園上堂咁,尋日先同佢買教材。」又自嘲不知不覺做了怪獸家長:「個女差唔多5歲,佢計數叻,已經買6、7歲嘅數畀佢越級計。」

此外,他投資的西餐廳受疫情影響,想轉型做外賣生意:「都辛苦,依家係大家攜手共渡時艱,希望用自己嘅能力過呢個難關。(要求員工放無薪假?)冇削減員工任何福利。」

至於同劇演員陳煒,昨日偕莫家淦及衛志豪到寶林邨派口罩,雖然她有充足儲備,但男友陳國強的醫學美容診所曾因缺口罩而未能開診,全靠朋友相助。她又指除了《法證IV》的宣傳活動外,其他工作全部叫停,提到下周發展與鄭子誠的感情戲,她反爆康華有床上戲:「我靠佢拍床上戲嗰陣返屋企沖涼落妝,連續拍咗48小時未落過妝。」

发表评论

电子邮件地址不会被公开。 必填项已用*标注